【2014.1.18-22】广州-成都5日4夜

day 1：广州——成都

时隔一年几先有得去旅行~小激动~

去程系坐四川航空~哇晒空姐似上左年纪噶大妈唔讲~座位逼到不得了~转个身都难！~

由于起飞噶时候航空管制，到达成都双流机场已经系下午3点左右~

选择坐机场快线入市区~哇！我都未坐过甘残旧噶机快~不过8蚊鸡坐40几分钟就算距啦~

成都噶的士真心难打~系天府广场等左成十几分钟都无一台“吉”的~

到左前三晚入住噶奥汀花园酒店环境都ok~价钱合理~附近就有地铁站~去边度都方便一d~

check-in 完马上坐公交赶到第一个目的地武侯祠

可惜已经关门噜~就到此一游意思下系门口影翻张~

晚餐打算安排系锦里

钵钵鸡~三大炮~凉粉~叶子耙~牛肉耙~呢d小食其实都唔多饱肚咯~

夜色里的锦里也很迷人~

锦里原来唔系好大的~逛左几圈食完小食~仲系决定食翻正餐~于是选择左附近噶吴铭火锅

day 2：西岭雪山——春熙路——九眼桥

预先系网上报好团~因为跟团出发时间会比去客运站噶车会早~

报团系早上7点半出发~而客运站最早噶车都有9点几~全程两个半钟左右~

10点半到达西岭雪山雨夹雪噶天~

由于计划失策选择左周末黎西岭~上缆车条队排到无雷公甘远~

据闻周边地区噶人都中意自驾车黎西岭睇雪~所以周末黎真系十分唔明智噶决定！

足足排左两个几钟队先上到缆车~上到去仲要排队坐接驳巴士去映雪广场~

（p.s：由于同行噶昕姐姐有导游证，所以距一早就上到去等我地了哈~）

因为跟团时间受限制，得翻唔够一个钟时间~所以唯有选择最抵玩噶“全地形车”~

100蚊一台车~坐两个人~平时噶价会便宜d~

着上保护装备就可以上车了噜~

唔使我开肯定周围影哈~

一圈其实好快玩完了~不过沿途噶景真系靓爆了~~~

不知不觉就停雪出太阳了~系时候又要落山了~

（图上系山上噶酒店~不过价钱都颇贵所以无选择系雪山住一晚~）

哎~落山又要排长队！！！

西岭雪山仲系值得再去的~经验教训前期唔好选择周末去人逼人！！！

不过有得有失啦~呢次我地可以睇到落雪~亲戚刚好第二日去距话只可以睇到积雪噜~

翻到市区已经6点左右~马上唔停脚去到春熙路稳野食~

无意中比我低稳到龙抄手总店~

酸辣抄手、红油抄手、钟水饺、担担面、渣渣面每一样都好好味！！！赞赞赞！！！

紧接住系徐亮胖哥烤蹄and帅哥肥肠一个成都噶师姐推荐我地要食的~

香口也最岩我！！！好食到冇朋友呀！！！

食饱饱就四周围行下~春熙路系成都最繁华噶商业街~各大商场集中地~

偶遇翻墙噶“大熊猫”~笨笨的超可爱！！！

原来系熊猫慈善拍卖展噶宣传~

今日噶最后一站九眼桥酒吧街~

原来都系d小清吧~有驻唱~河对面噶系high吧~唔岩我地~以前张靓颖就系系呢度某间吧做驻唱的~

有d选择困难~最后选左声狗酒吧 当地的士司机话我地都几识拣呵~

（图上系2010年快乐男声噶伪娘刘著~）

day 3：成都——黄龙溪古镇——宽窄巷子

早上因为一d小意外~我同bm先到达黄龙溪古镇

9点几噶古镇分外宁静~